У «Мінск-Свеце» кіроўца страціў прытомнасць і насмерць разбіўся
Увечары 5 сакавіка 59‑гадовы кіроўца аўтамабіля Pontiac выехаў на сустрэчную паласу і каля дома №18 на праспекце Міру сутыкнуўся з аўтамабілем Renault, пасля чаго ўрэзаўся ў металічную агароджу, паведамляе ГУУС Мінгарвыканкама.
Кіроўца Pontiac памёр на месцы здарэння.
Паводле папярэдняй інфармацыі, падчас руху мужчына страціў прытомнасць.