Рэгбістку Марыю Шакура, якая была капітанам зборнай Беларусі, асудзілі па палітычнай крыміналцы
Шакура была бронзавай прызёркай чэмпіяната Еўропы па пляжным рэгбі — 2017.
У Мінскім гарадскім судзе вынеслі прысуд 35‑гадовай Марыі Шакура.
Марыя — вядомая рэгбістка, яна была капітанам зборнай Беларусі. Была бронзавай прызёркай чэмпіяната Еўропы па пляжным рэгбі — 2017.
Адначасова працавала на мэблевай вытворчасці.
Невядома, калі на Марыю завялі крымінальную справу і ці сядзела яна ў СІЗА.
Шакура судзілі за «садзейнічанне экстрэмісцкай дзейнасці» (ч. 1 арт. 361‑4 Крымінальнага кодэкса). Па гэтым артыкуле судзяць сотні чалавек, затрыманых па справе Гаюна, але няясна, ці ў Марыі было такое ж абвіначваванне.
Спартсменцы прысудзілі хатнюю хімію.