За суткі два чалавекі загінулі пры пажарах
У Беларусі за адны суткі пры пажарах загінулі два чалавекі, паведамляе прэс-служба МНС.
Фота Магілёўскага абласнога ўпраўлення МНС
5 сакавіка а 6‑й раніцы ратавальнікі атрымалі сігнал аб пажары ў дачным доме на тэрыторыі садовага таварыства каля вёскі Мелькавічы Дзяржынскага раёна, паведамілі ў МНС.
На месцы здарэння работнікі МНС знайшлі загінулага бацьку гаспадара жылля 1942 года нараджэння.
Яшчэ адзін пажар у гэты ж дзень здарыўся ўвечары. Каля 22‑й гадзіны ў МНС паступіла інфармацыя аб пажары ў жылым доме ў аграгарадку Лудчыцы Быхаўскага раёна. На месцы пажару было знойдзена цела гаспадара жылля 1986 года нараджэння.
Прычыны абедзвюх трагедый высвятляюцца.