Журналіст Павел Дабравольскі асуджаны на 9 гадоў пазбаўлення волі
Адбываць пакаранне Павел будзе ва ўмовах строгага рэжыму.
Журналіст Павел Дабравольскі асуджаны на 9 гадоў пазбаўлення волі з утрыманнем у папраўчай калоніі ва ўмовах строгага рэжыму. Рашэнне вынес Мінскі гарадскі суд, піша Позірк.
Павел Дабравольскі быў затрыманы ў Мінску 22 студзеня 2025 года, праз 10 дзён пасля свайго 35-годдзя. Абвінавачваўся ў «здрадзе дзяржаве».
Абвінавачанне было звязана з прафесійнай дзейнасцю журналіста падчас масавых акцый пратэсту супраць фальсіфікацыі вынікаў прэзідэнцкіх выбараў 2020 года.