У Мінску пенсіянерку заціснула дзвярыма аўтобуса, і яна апынулася пад коламі
Здарэнне адбылося сёння раніцай каля Індустрыяльна-педагагічнага каледжа.
Скрын відэа
Раніцай 59‑гадовы кіроўца аўтобуса «МАЗ», пачынаючы рух ад прыпыначнага пункта «Індустрыяльна-педагагічны каледж» не пераканаўся ў тым, што пасажыры скончылі пасадку, і зачыніў дзверы. Пры гэтым ён заціснуў руку 75‑гадовай жанчыне, якая заходзіла ў транспарт.
Пасля гэтага кіроўца, не заўважыўшы пенсіянерку, пачаў рух. У выніку жанчына ўпала на праезную частку, а аўтобус на яе наехаў.
Жанчыну даставілі ў бальніцу для абследавання.