У Мінску пачалі будаваць вялікі падземны фудкорт

У Мінску пачалося будаўніцтва падземнага фудкорта каля станцыі метро «Каменная Горка». Пра гэта стала вядома пасля таго, як у сацыяльных сетках з’явілася відэа маштабнага рамонту ў падземным пераходзе, піша Telegraf.news.

Паведамляецца, што на месцы былога невялікага гандлёвага цэнтра плануюць стварыць вялікую зону з установамі харчавання. Там можна будзе пасядзець і паесці свежапрыгатаваную ежу.

Пакуль што не паведамляецца, якія менавіта кавярні або рэстарацыі будуць працаваць у гэтым месцы і ці з’явяцца там вядомыя сеткавыя брэнды. Таксама яшчэ не названая дакладная дата адкрыцця новага фудкорта.

Посмотреть в Threads

Аднак, паводле інфармацыі з відэа і маштабу рамонту, будучая пляцоўка павінна быць даволі вялікай, таму чакаецца, што там будзе шырокі выбар розных страў і кухні.

Каментары да артыкула