У Бараўлянах нечакана заіскрыў сумёт
У Бараўлянах пад Мінскам у адным з двароў жыхары заўважылі незвычайную і небяспечную сітуацыю: з сумёту пачалі вылятаць іскры, а снег час ад часу ўспыхваў. Відавочцы знялі гэта на відэа і апублікавалі ў мясцовым чаце, паведаміў мясцовы тэлеграм-канал.
Фота: t.me/borovlianynews
Спачатку магло падацца, што ў снезе выбухаюць петарды, але прычына была іншай.
Пазней высветлілася, што адбыўся абрыў электрычнага кабелю, праз гэта і ўзнікла небяспечная сітуацыя.
Жыхары адразу паведамілі пра здарэнне ў сацыяльных сетках, пасля чаго адпаведныя службы хутка адрэагавалі. Прыкладна праз 35 хвілін пасля публікацыі відэа на месца прыехалі супрацоўнікі МНС і службы электрасувязі. Спецыялісты ліквідавалі абрыў кабелю.