У Баранавічах мужчыну прыдушыла ўласным аўтамабілем
Сваякі знайшлі мужчыну пад уласным «Аўдзі-100». Мужчына ўжо не падаваў прыкмет жыцця.
Цела мужчыны было прыціснута кузавам аўтамабіля да асфальту і знаходзілася паміж пярэднім і заднім левымі коламі, у непасрэднай блізкасці да бардзюра.
Сістэма запуску рухавіка была няспраўная — стартар прыводзіў у рух махавік, і рухавік запускаўся толькі пасля далучэння провада да акумулятара.
На момант агляду ключы знаходзіліся ў замку запальвання, была ўключана першая перадача. Зрабіць такую паслядоўнасць дзеянняў магчыма толькі з-пад капоту, паведамляе Дзяржкамітэт судовых экспертыз.