Ізраіль заявіў пра ўдар па ядзерным цэнтры пад Тэгеранам
У заяве Арміі абароны Ізраіля гаворыцца, што быў атакаваны комплекс «Талеган» — «аб’ект, які іранскі рэжым выкарыстоўваў для развіцця сваіх магчымасцяў па стварэнні ядзернай зброі».
Ілюстрацыйнае фота: Kaveh Kazemi / Getty Images
ЦАХАЛ заяўляе, што гэты аб’ект выкарыстоўваўся для распрацоўкі сучасных выбуховых рэчываў і правядзення эксперыментаў у рамках сакрэтнага праекта «Амад» у 2000‑я гады.
Ядзерны цэнтр «Талеган-2» размешчаны ў населеным пункце Парчын недалёка ад Тэгерана. У межах праекта «Амад» у 2003—2004 гадах праводзіліся даследаванні па стварэнні пяці ядзерных боегаловак.