Арына Сабаленка выйшла ў фінал турніру ў Індыян-Уэлсе
У паўфінале сёння ноччу па беларускім часе першая ракетка свету выйграла ў чэшкі Лінды Носкавай з лікам 6:3, 6:4.
Фота: Robert Prange / Getty Images
У фінале турніру беларуска заўтра вечарам згуляе з прадстаўніцай Казахстана Аленай Рыбакінай.
Цікава, што Сабаленка і Рыбакіна двойчы гулялі ў фіналах за апошнія месяцы (Выніковы турнір 2025 года і Australian Open) і двойчы перамагала Рыбакіна, якая з панядзелка афіцыйна стане другой ракеткай свету.