У Вільні зноў спынялі працу аэрапорта праз беларускія метэазонды
Віленскі аэрапорт быў вымушаны тэрмінова закрыць паветраную прастору ўвечары 14 сакавіка з-за чарговай хвалі паветранай кантрабанды з боку Беларусі.
Навігацыйныя сістэмы зафіксавалі пазнакі, характэрныя для метэазондаў, якія рэжым Лукашэнкі выкарыстоўвае для перапраўкі нелегальных грузаў.
Праз гэту пагрозу палёты былі прыпыненыя з 21:46, што выклікала збоі ў раскладзе, хоць ужо пасля 22:00 аэрапорт пачаў паступова вяртацца да працы, піша Delfi.