ЗША здымаюць санкцыі з Белінвестбанка, Банка развіцця і Міністэрства фінансаў

Таксама «з усіх санкцыйных спісаў» выключаныя Беларуская калійная кампанія і «Беларуськалій», паведаміла прэс-служба Лукашэнкі.

Фота ілюстрацыйнае

Санкцыі здымаюцца пасля сённяшняга візіту спецыяльнага прадстаўніка прэзідэнта ЗША Джона Коўла ў Мінск. У абмен рэжым Лукашэнкі выпускае групу палітвязняў.

Адказваючы на пытанне, будуць санкцыя знятыя неадкладна ці гэта запатрабуе пэўнага перыяду часу, Коўл заявіў:

«Я вас запэўніваю, што гэтым разам гэта ўсё будзе значна хутчэй. Мы навучыліся гэта рабіць хутчэй. Перад тым, як наведаць Мінск з візітам, мы правялі пашыраныя перамовы з Міністэрствам фінансаў і іншымі амерыканскімі структурамі, якія задзейнічаныя ў прымяненні санкцый».

Каментары да артыкула