«Дома не будзе ўжо. Усё». Стала вядома, што за выбух адбыўся ў вёсцы пад Гроднам
Днём 24 сакавіка ў вёсцы Казіміроўка Гродзенскага раёна адбыўся выбух. МНС падрабязнасцяў не паведаміла, толькі апублікавала відэа і заявіла пра «здарэнне». Выданне «Люстэрка» высветліла, што менавіта там здарылася.
Скрыншот з відэа МНС
Пад выглядам занепакоенай грамадзянкі журналістка «Люстэрка» патэлефанавала ў Верцялішкаўскі сельсавет, да якога належыць вёска Казіміроўка.
«Адбыўся выбух газавага балона, вуліца Маладзёжная, 39. Адзін чалавек пацярпеў, атрымаў цялесныя пашкоджанні. Але дома не будзе ўжо. Усё», — расказала супрацоўніца сельсавета.
Раней стала вядома, што на месца здарэння выехаў намеснік міністра надзвычайных сітуацый Анатоль Даўгалевец.
Чытайце таксама:
У вёсцы пад Гроднам адбыўся моцны выбух у чатырохкватэрным доме ВІДЭА
У Лідскім раёне хлопчык знайшоў у двары петарду
Дэмантаваную ў выніку выбуху газу частку дома ў Гомелі адновяць