Найлепшая рэклама амерыканскай авіяцыі. Як амерыканскі знішчальнік ухіліўся ад іранскай ракеты ВІДЭА
У сеціве з’явіліся кадры драматычнага і захапляльнага моманту ў небе, дзе амерыканскі F/A-18 Super Hornet цудам пазбягае прамога трапляння іранскай ракеты.
На апублікаваных кадрах відаць, як пілот амерыканскага вайсковага самалёта выконвае экстрэмальны манеўр, каб ухіліцца ад снарада, які ляціць проста ў яго бок. Ракета праходзіць у небяспечнай блізкасці ад знішчальніка, пакідаючы за сабой яркі след.
Калі б пілот, у якога, падобна, жалезныя нервы, памыліўся хоць крыху, гэта магло скончыцца трагедыяй.