ЗША знялі санкцыі з Дэлсі Радрыгес — часовага прэзідэнта Венесуэлы
Імя Радрыгес знікла са спісу «асоб, якія знаходзяцца пад адмысловымі санкцыямі».
Фота: Jesus Vargas / Getty Images
Гэта пералік асоб, чые актывы на тэрыторыі ЗША замарожаныя, ім забаронены ўезд у краіну, а грамадзянам і рэзідэнтам ЗША нельга мець з імі дзелавыя адносіны.
У Белым доме гэта назвалі прыкметай прагрэсу ў адносінах паміж дзвюма краінамі.
«Як і казаў прэзідэнт Трамп, Дэлсі Радрыгес выдатна спраўляецца са сваёй працай і вельмі добра супрацоўнічае з Злучанымі Штатамі», — гаворыцца ў заяве прэс-сакратара Белага дома.