У мінскай Малінаўцы мужчына памёр проста на вуліцы
7 красавіка ў мікрараёне Малінаўка ў Мінску выпадковая прахожая знайшла на зямлі мужчыну. 72‑гадовы пенсіянер ляжаў каля пешаходнай дарожкі недалёка ад дома на вуліцы Ясеніна, паведамляе агенцтва «Мінск-Навіны».
Фота: «Мінск-Навіны»
Жанчына выклікала хуткую дапамогу, але медыкі, якія прыбылі на месца, толькі канстатавалі смерць.
Паводле інфармацыі Следчага камітэта, прыкмет крымінальнага характару ў гэтым выпадку няма.
Праверку па факце здарэння праводзіць Маскоўскі раённы аддзел Следчага камітэта.