У топ-10 найбуйнейшых вытворцаў электрамабіляў палова кітайцы

Найбуйнейшым вытворцам электрамабіляў у свеце стала кітайская BYD. Са жніўня 2024 па жнівень 2025 года кампанія выпусціла 2,56 мільёна машын, заўважна апярэдзіўшы ўсіх канкурэнтаў, піша Thinktanks.pro.

Здымак ілюстрацыйны

Паводле даных аналітычнай кампаніі SNE Research, на другім месцы размясцілася таксама кітайская Geely з вынікам 1,31 мільёна аўто, а амерыканская Tesla заняла толькі трэці радок — 985 тысяч электрамабіляў.

У рэйтынг таксама ўвайшлі:

• нямецкі Volkswagen (854 тысяч);
• кітайская SAIC (720 тысяч);
• кітайская Changan (563 тысяч);
• карэйская Hyundai (416 тысяч);
• кітайская Chery (395 тысяч);
• нямецкая BMW (389 тысяч);
• нідэрландская Stellantis (342 тысяч).

У топ-10, такім чынам, адразу пяць кампаній прадстаўляюць Кітай. Гэта паказвае, наколькі хутка краіна ўзмацніла пазіцыі ў глабальнай гонцы электрамабіляў.

Каментары да артыкула