У Мінску асвяцілі велікодныя стравы
Сёння ў праваслаўных храмах Беларусі напярэдадні Вялікадня асвячаюць велікодныя стравы.
Адно з такіх асвячэнняў прайшло каля Свята-Духава кафедральнага сабора, што ў Верхнім горадзе ў Мінску.
Уначы ў саборы пройдзе вялікае богаслужэнне, якое ўзначаліць мітрапаліт Мінскі і Заслаўскі, патрыяршы экзарх усёй Беларусі Веніямін. Яно будзе паказана па БТ і «Беларусь-24». Пачатак у 23:45.
Урачыстыя святочныя богаслужэнні пройдуць ва ўсіх праваслаўных храмах.
Адзначыць Вялікдзень і Беларуская праваслаўная парафія ў Вільні.
Віленская грамада запрашае ўсіх прыняць удзел у пасхальным Хросным ходзе і начной Велікоднай Літургіі, што пачнецца ў ноч з 11‑га на 12‑га красавіка ў знакамітай гістарычнай Троіцкай царкве ў базыльянскіх мурах блізка апоўначы а 23.50 (Aušros vartų g. 7б).
Асвячэнне велікодных страў адбываецца сёння да 21.00 у царкве па адрасе Bokšto gatvė, 4.