У Іерусаліме сышоў Жыватворны агонь
У Вялікую суботу, напярэдадні праваслаўнага Вялікадня, у Іерусаліме ў храме Труны Гасподняй адбыўся сыход Жыватворнага агню — традыцыйная падзея, якую вернікі лічаць цудам.
Фота: AP Photo/Mahmoud Illean
Агонь з’яўляецца ў Кувукліі — невялікай капліцы ў цэнтры храма, дзе, паводле хрысціянскай традыцыі, знаходзіцца месца пахавання Ісуса Хрыста. Ён сімвалізуе святло Уваскрасення і лічыцца адной з галоўных святынь хрысціянскага свету.
Паводле звычаю, Іерусалімскі патрыярх уваходзіць у Кувуклію з незапаленымі свечкамі і пасля малітвы выходзіць ужо з агнём, які перадаецца прысутным вернікам.
Традыцыйна часцінку Жыватворнага агню даставяць і ў Беларусь. Вернікі змогуць атрымаць яго падчас велікодных набажэнстваў у храмах па ўсёй краіне.
Чытайце таксама:
Жыватворны агонь даставяць у Беларусь раніцай 12 красавіка
У Мінску асвяцілі велікодныя стравы
У Мінску перад пачаткам футбольнага матча капітаны камандаў пабіліся велікоднымі яйкамі ВІДЭА
Перад святамі махляры спяшаюцца павіншаваць людзей паштоўкамі з падвохам