Латвія падоўжыла забарону імпарту прадуктаў і кармоў з Беларусі
Латвія прыняла рашэнне падоўжыць яшчэ на год забарону на імпарт сельскагаспадарчай і кармавой прадукцыі з Беларусі і Расіі — цяпер яна будзе дзейнічаць да 1 ліпеня 2027 года, піша Lsm.lv.
Здымак ілюстрацыйны. Фота: freepik.com
Гэтыя абмежаванні ўвялі яшчэ ў сакавіку 2024 года. Яны тычацца толькі тавараў, якія ўвозяцца для выкарыстання ў самой Латвіі, і не распаўсюджваюцца на транзіт — калі прадукцыя ідзе праз краіну ў іншыя дзяржавы ЕС.
Пад забарону трапляюць розныя віды сельгаспрадукцыі, у тым ліку збожжавыя культуры (пшаніца, жыта, ячмень, авёс), бабовыя (гарох), проса, алейныя культуры, цукровыя буракі, а таксама прадукты перапрацоўкі — мука, кармавыя сумесі і прадукцыя жывёльнага паходжання.
Паводле даных латвійскага Мінсельгаса, пасля ўвядзення абмежаванняў імпарт з Расіі значна скараціўся: спачатку прыкладна на 30%, а потым яшчэ больш — да 85%. Пастаўкі з Беларусі таксама зменшыліся — спачатку на 12%, а затым прыкладна на 55%.
Такім чынам, Латвія працягвае палітыку абмежавання паставак сельгаспрадукцыі з гэтых краін, і не выключаецца, што ў будучыні меры могуць стаць яшчэ больш жорсткімі.
Чытайце таксама:
Міністэрства сельскай гаспадаркі ЗША заявіла пра эпідэмію яшчуру ў Расіі
Еўрасаюз адклаў разгляд прапановы пра поўную забарону на імпарт расійскай нафты
У Беларусі здымаюць з продажу некаторыя алкагольныя напоі
Беларусь увайшла ў пяцёрку найбуйнейшых пастаўшчыкоў у Кітай курыных лапак