Зяленскі павіншаваў Мадзьяра з перамогай на выбарах у Венгрыі
Прэзідэнт Украіны павіншаваў лідара апазіцыйнай партыі «Ціса» з перамогай на парламенцкіх выбарах у Венгрыі.
Праўладны перадвыбарны білборд у Будапешце з партрэтамі прэзідэнта Украіны Уладзіміра Зяленскага і лідара венгерскай апазіцыі Петэра Мадзьяра з надпісамі «Яны небяспечныя» і «Давайце іх спынім. Проста Фідэс» [партыя Орбана — НН]. Фота: Sean Gallup / Getty Images
«Віншую Петэра Мадзьяра і партыю Ціса з пераканаўчай перамогай. Важна, калі перамагае канструктыўны падыход. Украіна заўсёды імкнулася да добрасуседскіх адносін з усімі ў Еўропе, і мы гатовыя развіваць супрацоўніцтва з Венгрыяй.
Еўропа і кожная еўрапейская дзяржава павінны станавіцца мацнейшымі, і мільёны еўрапейцаў імкнуцца да супрацоўніцтва і стабільнасці.
Мы гатовыя да сустрэч і сумеснай канструктыўнай працы на карысць абодвух народаў, а таксама дзеля міру, бяспекі і стабільнасці ў Еўропе», — гаворыцца ў віншаванні.
Чытайце таксама:
Орбан разгромна прайграў выбары ў Венгрыі. Апазіцыя атрымала канстытуцыйную большасць у парламенце