У Расіі скончыў жыццё самагубствам палітзняволены мастак
У спіс тэрарыстаў Андрэя Акузіна дадалі ўжо пасля смерці, паведамляе «Медыязона».
Андрэй Акузін
У СІЗА ў Камсамольску-на-Амуры загінуў 53‑гадовы мастак Андрэй Акузін, які, як паведамляецца, скончыў жыццё самагубствам пасля арышту.
Яго затрымалі 2 красавіка нібыта з-за каментарыя, пакінутага ў інтэрнэце ў 2025 годзе — магчыма, гаворка ішла пра лайк або адказ на публікацыю. Сябры і знаёмыя Акузіна сцвярджаюць, што ён не меў адваката.
Паводле слоў яго знаёмай, рэжысёркі Таццяны Фраловай, арыштавалі яго за вельмі дробнае інтэрнэт-выказванне, і абвінавачванні ў «тэрарызме» яна лічыць абсурднымі.
7 красавіка яму споўнілася 53 гады, а ўжо на наступны дзень ён, як паведамляецца, павесіўся ў камеры. Ужо пасля смерці яго ўключылі ў спіс «тэрарыстаў і экстрэмістаў».
Таксама вядома, што ён у перапісцы неаднаразова пісаў пра тое, што «адзіны свабодны пратэст сёння — гэта самагубства».
Андрэй Акузін быў вядомым у Камсамольску-на-Амуры мастаком: у 2000‑х у яго праходзілі персанальныя выставы, а пазней ён працаваў мастаком-пастаноўшчыкам у драматычным тэатры.
Чытайце таксама:
У Расіі аб'явілі «экстрэмісцкай арганізацыяй» «Мемарыял»
Расійскаму палітвязню дадалі паўтара года зняволення за вокліч «Слава Украіне! Смерць Пуціну!»