У Славянску ў выніку расійскага авіяўдару пашкоджаны чатыры дзясяткі дамоў
Расійскія войскі ў ноч на 15 красавіка нанеслі ўдар па Славянску Данецкай вобласці авіябомбай ФАБ-1500, паведаміла гарадская ваенная адміністрацыя.
У горадзе пашкоджана як мінімум 39 шматкватэрных дамоў і 15 аўтамабіляў. Поўнасцю знішчана дзіцячая спартыўная ўстанова, якая была гістарычнай славутасцю горада.