У Гродне заўважылі лісу з лісянятамі
Мама настойліва спрабуе сабраць сям'ю ў кучу. У выніку аднаго нават панесла ў зубах.
Сям'ю пабачылі ў гаражным масіве на вуліцы Багуцкага, піша Newgrodno.by
«Глядзіце, які тут экшэн у гаражах. Ліса і куча лісянят», — пракаментаваў чытач мілае відэа.
Хутчэй за ўсё, мама-ліса вывела шчанюкоў на вячэрнюю прагулку. З’яўленне машыны стала для яе нечаканасцю.
Лісяняты святла фар не спалохаліся і працягвалі займацца сваімі справамі, а вось мама спрабавала сабраць іх у кучу. У выніку аднаго нават панесла ў зубах.