Лукашэнка задаўся пытаннем: Павінен быць Нацыянальны гістарычны музей ці Нацыянальны музей
Палітык на суботніку шчыраваў на пляцоўцы будаўніцтва.
Фота: БелТА
«Нас, як гісторыкаў, некаторыя крытыкуюць за тое, што мы назвалі Нацыянальны гістарычны музей Беларусі. Гісторыі, наколькі я памятаю, у наш час давалася вызначэнне, што гэта навука пра мінулае, — сказаў Аляксандр Лукашэнка. — Але ж мы і сучаснасць тут адлюстроўваем, а можа, недзе і ў будучыню зазірнём. Можа быць, проста Нацыянальны музей Беларусі?»
Прытым на музеі ўжо вісіць назва — «Нацыянальны гістарычны музей Беларусі».
Працы па будаўніцтве будынка музея пачаліся ў лютым 2025 года. Зараз яго ўзвядзенне цалкам завершана. Вядуцца работы па афарбоўцы і аздабленні памяшканняў, афармленні інтэр’ераў. Магчыма, яго адкрыюць да 17 верасня.