У Пружанах са стралянінай затрымлівалі кіроўцу без правоў
Цяпер той у ізалятары.
Затрыманне кіроўцы. Скрыншот відэа: МУС
Увечары 19 красавіка ў Пружанах ДАІ хацела спыніць кіроўцу Renault, але той праігнараваў сігнал і працягнуў ехаць. Машына ДАІ адправілася яго пераследаваць, паведамляе МУС.
У нейкі момант пагоні міліцыя пачала страляць з табельнай зброі.
За стырном Renault сядзеў 41‑гадовы жыхар Пружан — п'яны і без правоў (ён ніколі не атрымліваў пасведчання кіроўцы).
Аўтамабіль змясцілі на ахоўную стаянку, а кіроўцу — у ізалятар часовага ўтрымання.