Ціханоўская паказала, як гуляе ў падэл на корце
З ёй гуляе Стася Гліннік.
Скрыншот відэа
Святлана Ціханоўская апублікавала відэа, як гуляе ў папулярны цяпер падэл.
«На выходных з камандай рыхтаваліся да новага працоўнага тыдня. Разам паспрабавалі нашумелы падэл. Шчыра скажу: зразумела, чаму так шмат бачу сярод беларусаў гэтага віду спорту», — піша Ціханоўская.
Яна дадае, што любіць бавіць час з камандай. «Бо менавіта ў такіх простых рэчах і нараджаецца сапраўдны камандны дух».
Падэл вельмі падобны да тэніса. Але ў яго гуляюць на корце, меншым, чым для тэніса, і карацейшымі ракеткамі з цвёрдым пакрыццём. Мяч можа адскокваць ад сцен (як у сквошы). Звычайна гуляюць у фармаце «два на два».