Лукашэнку паказалі магчымасці дронаў
ДТСААФ здольны разгарнуць падрыхтоўку аператараў дронаў у любым пункце краіны.
Фота: БелТА
Аляксандру Лукашэнку падчас наведвання Мінскага аэраклуба ДТСААФ прадэманстравалі магчымасці сучасных дронаў і навыкі іх аператараў, піша БелТА.
Дрон-рэйсінг — адзін з новых напрамкаў дзейнасці для ДТСААФ, але ён вельмі актыўна развіваецца. За мінулы год па краіне адкрыта 15 секцый. Навучальныя класы па дрон-рэйсінгу забяспечаныя сучасным абсталяваннем, у тым ліку камп’ютарнымі трэнажорамі з джойсцікамі для асваення базавых навыкаў пілатавання, а таксама «кубам» — спецыяльна абсталяванай прасторай для практычных палётаў на пачатковым этапе навучання, якая гарантуе бяспеку аператара і захаванасць дрона.
Хуткасць дрона дасягае каля 200 км/г. Яны здольныя філігранна манеўраваць, аблятаючы розныя перашкоды нават у замкнёнай прасторы.
Лукашэнку запэўнілі, што ДТСААФ здольны разгарнуць падрыхтоўку аператараў дронаў у любым пункце краіны. За мінулы год было падрыхтавана каля 250 аператараў