У ДТЗ на Кульман у Мінску пасля сутыкнення перакулілася аўто
Удзень 22 красавіка на вуліцы Кульман у Мінску адбылася аварыя. Ад удару адзін з аўтамабіляў перакуліўся на дах.
Усе фота: «Звязда»
Паводле інфармацыі ДАІ, сутыкненне адбылося каля будынка №31.
Паводле папярэдняй інфармацыі, 36‑гадовая кіроўца «Kia» пачала перастраенне, але не пераканалася ў бяспецы манеўру. У выніку машына сутыкнулася з аўтамабілем, што ехаў у спадарожным кірунку. Ад удару «Kia» перакулілася.
У ДТЗ ніхто не пацярпеў.