Невядомы ласун у Вілейскім раёне скраў вуллі з пчалінымі сем'ямі
Дзёрзкі крадзёж здарыўся на Дабравешчанне, 7 красавіка, у вёсцы Хаценчыцы.
З 12:00 да 17:30 нехта выкраў пяць вулляў з пчалінымі сем’ямі, піша peramoga.by.
Кошт аднаго вулля — 450 рублёў, агульная сума шкоды — 2250 рублёў.
Але на гэтым зламыснік не спыніўся: прадметам яго злачыннага намеру таксама сталі шэсць гнездавых рамак з расплодам і мёдам на суму 360 рублёў. Уся матэрыяльная шкода склала 2610 рублёў.
Міліцыя просяць грамадзян, якія валодаюць інфармацыяй па дадзеным абуральным факце, звяртацца ў Вілейскі РАУС па тэлефонах: 8(01771)5-41-00, +375-29-344-08-42.