У Рэчыцы знайшлі нелегальны дом састарэлых
Па афіцыйных правілах, догляд за пажылымі людзьмі і інвалідамі з пастаянным пражываннем і медыцынскай дапамогай павінен аказвацца толькі ў спецыяльных установах — пансіянатах або сацыяльных цэнтрах, якія маюць ліцэнзію і адпавядаюць патрабаванням бяспекі і якасці. Але Камітэт дзяржаўнага кантролю знайшоў у Гомельскай вобласці ўстанову, якая дзейнічала без такой ліцэнзіі.
Здымак ілюстрацыйны. Фота: freepik.com
Як высветлілі органы фінансавых расследаванняў, у Рэчыцы адна жанчына на працягу каля двух гадоў арганізавала такі «дом састарэлых» у сваім прыватным жыллі без неабходнага дазволу. Там жылі больш за 10 пажылых людзей.
За паслугі яна атрымлівала грошы як ад сваякоў гэтых людзей, так і непасрэдна з іх пенсійных рахункаў. У выніку яе даход склаў больш за 135 тысяч рублёў.
Паколькі дзейнасць вялася без ліцэнзіі і з парушэннем заканадаўства, па гэтым факце распачалі крымінальную справу.
Чытайце таксама:
Пенсіянерка з Мастоў аддала махлярам 110 тысяч рублёў і ўласную машыну
Пенсіянерка са Жлобіна лётала двойчы за мяжу, каб аддаць грошы махлярам