Прадпрыемства па абыходжанні з радыеактыўнымі адкідамі схавала структуру і штат пасля прыходу дырэктара з КДБ
Дзяржаўнае прадпрыемства па абыходжанні з радыяактыўнымі адходамі «БелРАА» цалкам засакрэціла звесткі пра супрацоўнікаў і ўнутраную структуру. Гэта адбылося на фоне прызначэння новым кіраўніком экс-супрацоўніка КДБ Міхаіла Кісяля і супала з актыўнай фазай выбару месца для будучага ядзернага могільніка.
Знікненне звестак з сайта прадпрыемства заўважыў «Флагшток». Гэта адбылося пасля прызначэння былога супрацоўніка КДБ Міхаіла Кісяля на пасаду дырэктара прадпрыемства «БелРАА».
Міхаіл Кісель. Фота: Мінэнерга
Гэтымі дзеяннямі дзяржава фактычна дала зразумець, што адказных за прыняцце рашэнняў, звязаных з абыходжаннем з радыеактыўнымі адходамі, у публічнай прасторы больш не будзе.
Цяпер асноўнай крыніцай інфармацыі аб стане радыеактыўнага магільніка стане дазіметр, піша выданне.
Зараз у Беларусі ідзе афіцыйны працэс выбару месца пастаяннага захоўвання радыеактыўных адходаў. Выбар стаіць паміж трыма раёнамі: Хойніцкім, Мсціслаўскім і Астравецкім.