Туск расказаў, якія словы Пачобута былі першымі на волі
Прэм’ер-міністр Польшчы Дональд Туск сустрэў Андрэя Пачобута на мяжы. Туск расказаў у сацсетцы Х пра першыя словы вызваленага журналіста.
Прэм’ер-міністр Польшчы Дональд Туск асабіста прыехаў сустракаць Пачобута на мяжы. Польшча пяць гадоў дамагалася вызвалення вядомага беларускага паляка.
«Сардэчна запрашаем у польскі дом, сябар», — падпісаў Туск у твітары фота з сустрэчы.
Але першае пытанне Андрэя было пра Беларусь.
«Ці змагу я туды вярнуцца?» — гэта былі яго першыя словы. «Толькі ты вырашаеш. Ты ўжо вольны чалавек», — адказаў я», — расказаў дыялог з Андрэем Дональд Туск у сацсетцы Х.
«Нязломны», — канстатаваў Туск.
У руках на мяжы Пачобут трымаў беларускі пашпарт.