Прэзідэнт Францыі зладзіў прабежку ў Ерэване. З ім пабеглі вулічныя сабакі
Прэзідэнт Францыі Эмануэль Макрон, які прыбыў у Ерэван на саміт Еўрапейскай палітычнай супольнасці, зладзіў з аховаю ранішнюю прабежку. Галоўнай разынкай, якая разышлася па сацсетках, стала кампанія палітыка.
Падчас бегу па вуліцах армянскай сталіцы да Макрона і яго аховы далучыліся бяздомныя сабакі. Відэа стала папулярным у сацсетках.
Пасля завяршэння прабежкі Эмануэль Макрон праявіў прыязнасць і пагладзіў аднаго з кампаньёнаў.
Карыстальнікі сетак назвалі гэты момант самай мілай падзеяй палітычнага форуму.