У Віктара Бабарыкі нарадзіўся ўнук. Яго назвалі ў гонар дзеда
Хлопчыку далі двайное імя.
Віктар Бабарыка. Фота: «Наша Ніва»
У Віктара Бабарыкі нарадзіўся ўнук.
Дачка Бабарыкі Марыя Ховарт, якая жыве ў Аўстраліі, нарадзіла сына. Хлопчыка назвалі Леа Віктар.
У палітыка ёсць таксама ўнучка Кейт Марына, якая нарадзілася ў Аўстраліі ў канцы 2022 года.
Двайныя імёны ўнукам далі ў гонар дзеда і загінулай бабулі (Марына Бабарыка загінула падчас вандроўкі на Мадэйру).
Віктар Бабарыка на сустрэчы ў Вільні расказаў, што збіраецца адведаць іх у верасні. І пажартаваў, што дачка сказала пакуль не прыязджаць: «У мяне тады будзе 3 дзіцяці, і ты з іх самы капрызны».