У Польшчы чалавека з падазрэннем на хантавірус змясцілі пад санітарны кантроль
Капітан злашчаснага лайнера — таксама паляк.
Фота: AP
У Польшчы адзін чалавек знаходзіцца пад санітарным кантролем з-за падазрэння на заражэнне хантавірусам, паведаміў галоўны санітарны інспектар краіны Павел Гжэсёўскі, пішуць польскія СМІ.
«Першы паляк змешчаны пад назіранне ў сувязі з падазрэннем на хантавірус: магчыма, ён кантактаваў з пасажырам круізнага лайнера, на борце якога прысутнічае вірус «Андэс». Гэта пацыент №2, які памёр пасля высадкі з судна», — паведаміў галоўны санітарны інспектар.
У чалавека, які знаходзіцца ў Польшчы пад санітарна-эпідэміялагічным назіраннем, сімптомы адсутнічаюць. Каранцін працягнецца 7 дзён.
Павел Гжэсёўскі таксама пацвердзіў інфармацыю пра тое, што на борце судна знаходзіцца адзін грамадзянін Польшчы. Паводле паведамленняў СМІ, гэта капітан, але ён пакуль у Польшчу не едзе.
Чытайце таксама:
У ЗША пацвердзілі выпадак заражэння хантавірусам
Хто быў нулявым пацыентам на круізным лайнеры, дзе ўспыхнуў хантавірус, і як ён заразіўся
Ці хантавірус небяспечны і ці можа ён стаць новым кавідам?
Смяротны вірус з круізнага лайнера пранік у Еўропу і пачаў перадавацца ад чалавека да чалавека