Мужчыну ў Мінску будуць судзіць за «адмаўленне генацыду беларускага народа»
Жыхар Мінска ў Threads нібыта адмаўляў план «Ост» — яго будуць судзіць за «адмаўленне генацыду беларускага народа», даведалася «Вясна».
Здымак ілюстрацыйны
На допыце 56‑гадовы мужчына расказаў, што спрабаваў знайсці арыгінальны тэкст дакумента ў інтэрнэце, але, не знайшоўшы яго, вырашыў, што факт існавання гітлераўскага плана «Ост» прыдуманы Камуністычнай партыяй Савецкага Саюза.
Таксама ён нібыта сцвярджаў, што зверствы ў дачыненні да мірных жыхароў падчас Другой сусветнай вайны, у тым ліку дзяцей і жанчын, з'яўляліся «не больш чым рэакцыяй нацыстаў на партызанскі рух і супраціўленне».
Мужчыну выстаўлена абвінавачанне па ч. 1 арт. 130‑2 КК (адмаўленне генацыду беларускага народа). Да яго прыменена мера стрымання ў выглядзе ўзяцця пад варту.
Чытайце таксама:
Маладога дальнабойшчыка Дзяніса з-пад Чачэрска асудзілі па палітычнай справе
38‑гадовага юрыста з Гродна пасадзілі за «абразу» Лукашэнкі і «экстрэмізм»
42‑гадовую інжынерку з Калодзішчаў асудзілі за «садзейнічанне экстрэмізму»
70‑гадовы праваабаронца Уладзімір Целяпун, якога затрымалі ў красавіку, хварэе на рак