Пяскоў: Пуцін гатовы да сустрэчы з Зяленскім не ў Маскве для таго, каб паставіць кропку ў вайне
Або для перамоў у Маскве.
Фота: Mikhail Metzel, Sputnik, Kremlin Pool Photo via AP; АР
Прэзідэнт Расіі гатовы сустрэцца з прэзідэнтам Украіны не ў Маскве толькі дзеля таго, каб канчаткова завяршыць канфлікт, заявіў прэс-сакратар Пуціна Дзмітрый Пяскоў.
«Прэзідэнт, выступаючы на прэс-канферэнцыі ў Крамлі, сказаў, што будзе гатовы сустрэцца ў любы момант з Зяленскім у Маскве для перамоў, а таксама ў любой іншай мясціне, але ў любой іншай мясціне ёсць сэнс сустракацца толькі для таго, каб цалкам фіналізаваць працэс», — цытуе Пяскова «Інтэрфакс».
Паводле слоў прадстаўніка Крамля, «для яго фіналізацыі, каб паставіць кропку, трэба яшчэ правесці вялікую хатнюю працу».