На МКАД сутыкнуліся чатыры машыны
13 мая вечарам каля 19‑га кіламетра знешняга кальца МКАД адбылася аварыя з удзелам чатырох аўтамабіляў — DAF, Renault, Kia і Volvo, паведамляе мінская ДАІ.
Паводле папярэдняй інфармацыі, прычынай ДТЗ стала невыкананне бяспечнай дыстанцыі паміж машынамі.
У выніку здарэння пацярпела 61‑гадовая пасажырка аўтамабіля Renault. Яе даставілі ў медыцынскую ўстанову для абследавання.