Беларусы разабралі ўсе квіткі на Дзіму Білана ў «Мінск-Арэну» — і гэта за паўгода да канцэрта
Знайшося 15 тысяч ахвотных паслухаць расійскага спевака.
14 лістапада ў Мінск едзе Дзіма Білан. Выступіць ён на найвялікшай пляцоўцы ў горадзе — у «Мінск-Арэне», якая змяшчае каля 15 тысяч чалавек. Нягледзячы на гэта, ужо цяпер, за паўгода да канцэрта, усе квіткі на яго раскупленыя.
Пра гэта 14 мая напісалі ў афіцыйных акаўнтах Білана:
«Без лішніх словаў — усе квіткі прададзеныя».
Насамрэч у продажы ёсць яшчэ некалькі білетаў — магчыма, нехта здаў іх. Але такія квіткі хутка разлятаюцца і па другі коле.
Білан — не рэдкі госць у нашай краіне. Апошні яго канцэрт у Беларусі прайшоў у лістападзе 2025 годзе таксама ў «Мінск-Арэне». Гледачы захапляліся артыстам і шоу, у якім Білан лётаў па прасторы арэны, але адзначалі праблемы з арганізацыяй. Летам Білан зноў будзе ў Беларусі — ён адзін з хэдлайнераў фестывалю Viva Braslav.
У сацсетках фанаты Білана актыўна просяць яго зладзіць дадатковы канцэрт у Мінску. Білан пакуль пра такія планы не абвяшчае.