У Мінскай вобласці пенсіянер збіў супрацоўніка ДАІ
У Мінскай вобласці падчас нясення службы пацярпеў супрацоўнік ДАІ, паведамляе прэс-служба МУС. Аварыя адбылася 14 мая каля 13:15.
Здымак ілюстрацыйны. Фота: «Наша Ніва»
Паводле папярэдняй інфармацыі, 74‑гадовы кіроўца аўтамабіля Opel здзейсніў наезд на інспектара, які знаходзіўся каля службовай машыны з уключанымі чырвонымі і сінімі маячкамі.
Пацярпелага даставілі ў медыцынскую ўстанову, дзе яму аказваюць неабходную дапамогу.
На месца здарэння асабіста прыбыў міністр унутраных спраў Іван Кубракоў.