Пад Бабруйскам перакулілася маршрутка з пасажырамі
Аварыя здарылася каля 21:00 14 мая на 8‑м кіламетры аўтадарогі Бабруйск — Мазыр, паведамляе УУС Магілёўскага аблвыканкама.
Скрыншот з відэа
Паводле папярэдняй інфармацыі, 41‑гадовы кіроўца Citroеn Jumper спрабаваў пазбегнуць наезду на дзікую жывёлу, аднак не справіўся з кіраваннем. У выніку мікрааўтобус перакуліўся на праезнай частцы.
Усіх, хто знаходзіўся ў салоне, агледзелі медыкі. Траіх чалавек даставілі ў бальніцу.