Сёння стартуе чэмпіянат свету па хакеі ў элітным дывізіёне
І адразу матчам Канада — Швецыя.
На свой, напэўна, апошні чэмпіянат едзе легенда НХЛ і зборнай Канады Сіднэй Кросбі. Фота: RvS.Media/Monika Majer/Getty Images
Сёння ў Швейцарыі ў Цюрыху і Фрыбуры стартуе чэмпіянат свету па хакеі ў элітным дывізіёне. Ён праходзіць у звыклым фармаце: 16 зборных разбітыя на дзве групы па 8 камандаў.
Чатыры каманды з групы выходзяць у 1/4 фіналу, зборныя, што зоймуць апошнія месцы ў групах пакінуць вышэйшы дывізіён.
У групе А гуляюць: Швейцарыя, ЗША, Фінляндыя, Германія, Латвія, Вялікабрытанія, Венгрыя, Аўстрыя.
У групе B — Канада, Швецыя, Чэхія, Славакія, Нарвегія, Данія, Італія, Славенія.
Чэмпіянат стартуе сёння матчам Канада — Швецыя (17:20).
Год таму першынство выйграла зборная ЗША, якая ў фінале перамагла ў авертайме Швейцарыю з лікам 1:0. ЗША выйгралі і Зімовую Алімпіяду.
Зборная Беларусі апошні раз брала ў чэмпіянаце свету ў 2021 годзе, калі заняла апошняе месца ў групе.
Той турнір меўся прайсці адразу ў дзвюх краінах: Беларусі і Латвіі, але ў выніку рэакцыі на палітычныя рэпрэсіі ў нашай у краіне, чэмпіянат цалкам аддалі Латвіі.
А з 2022 года беларускі і расійскі хакей выключаныя з міжнародных спаборніцтваў.