Святлана Ціханоўская прагаласавала на выбарах у Каардынацыйную раду
Пра гэта паведамляецца ў яе тэлеграм-канале.
«Намаганні прагаласаваць занялі больш часу з-за атак на сістэму галасавання з боку рэжыму. Але гэта яшчэ раз паказвае, наколькі важныя гэтыя выбары. Нягледзячы на ціск і спробы перашкодзіць, беларусы працягваюць удзельнічаць. Далучайцеся, але памятайце пра бяспеку», — кажа Святлана Ціханоўская.
На 10:45 пятніцы ў выбарах у КР узялі ўдзел 1048 чалавек. Галасаванне будзе ісці да 12:00 аўторка.