Мерц прызнаўся, што няма сэнсу спрачацца з Трампам
У якасці прыкладу ён прывёў перапалку Уладзіміра Зяленскага і Трампа ў лютым 2025 года.
Фрыдрых Мерц і Дональд Трамп. Фота: Suzanne Plunkett, Pool Photo via AP
«Няма сэнсу ўступаць у спрэчкі ў такой абстаноўцы. Калі паглядзець на тых, хто гэта рабіў, ім не пашанцавала», — сказаў Мерц у інтэрв’ю іспанскай газеце ABC, адказваючы на пытанне, ці выкарыстоўвае ён нейкую мантру, каб захоўваць спакой падчас размоў з Трампам.
У якасці прыкладу ён прывёў перапалку Уладзіміра Зяленскага і Трампа ў лютым 2025 года, калі амерыканскі лідар жорстка раскрытыкаваў Зяленскага, і той быў вымушаны датэрмінова пакінуць Белы дом.