Футбольны сімулятар eFootball больш не даступны ў Беларусі
Футбольны сімулятар ад японскай кампаніі Konami працяг серыі гульняў Pro Evolution Soccer — спыніў працу ў Беларусі і Расіі, піша Sport Baza.
З сённяшняга дня ў Беларусі і Расіі немагчыма купіць манеты, а ў далейшым стане недаступным спампоўванне гульні з расійскіх акаўнтаў App Store, Google Play, PlayStation Store і Microsoft Store.
Таксама знікне магчымасць ствараць свой акаўнт, уваходзіць у гульню і пераносіць даныя.
Карыстальнікі ўжо пераходзяць на іншыя рэгіёны, каб захаваць свой прагрэс. У асноўным гэта адбываецца праз Konami ID шляхам змены рэгіёна на іншыя.