Памятаеце беларуса-небараку, якога армяне прадалі на фронт? Украінцы выменялі яго
Нядаўна стала вядома, што Яўген Сіманенкаў з Лёзна ў пачатку гэтага года падпісаў кантракт з расійскай арміяй, а потым ён знік на вайне — яго шукала сужыцелька. Жанчына сцвярджала, што Сіманенкава вывезлі з Лёзна смаленскія рэкруцёры-армяне пры дзіўных абставінах.
Меркавалася, што мужчына найверагодней загінуў, але насамрэч ягоны лёс прынамсі пакуль аказаўся шчаслівейшым.
Сёння імя Яўгена Сіманенкава з’явілася ў абменным спісе — пад нумарам 144 пазначаны чалавек, чые персанальныя даныя цалкам супадаюць з беларусам, заўважыў тэлеграм-канал «Витебск, я гуляю!» Пры гэтым стаіць прочырк у графе грамадзянства — верагодна, так расіяне маркіруюць замежнікаў пры абмене.
Чытайце таксама:
Расійскія вярбоўшчыкі завабліваюць на вайну вакансіямі ў Беларусі
Самы карыкатурны злодзей Слоніма скончыў свой шлях у мясным штурме на Данбасе