Самалёт «Белавія» на маршруце Масква—Гомель не змог прызямліцца ў гомельскім аэрапорце
Што здарылася, пакуль незразумела.
Самалёт Белавія на маршруце Масква—Гомель не змог прызямліцца ў гомельскім аэрапорце, паведамляе «Флагшток».
Пасажырскі Embraer, які вылецеў з неспакойнай Масквы, рухаўся па звычайнай траекторыі. Над Магілёўскай вобласцю самалёт пачаў кружыць каля Слаўгарада і знаходзіўся там каля 35 хвілін. Самалёт паляцеў на Мінск.
Адміністрацыі «Белавія» і Белаэранавігацыя пакуль не тлумачылі прычыны інцыдэнту.
Украінскія маніторынгавыя каналы ў той час не фіксавалі залётаў БпЛА праз украінска-беларускую мяжу.