У ЗША падчас авіяшоу сутыкнуліся і выбухнулі два вайсковыя самалёты
Пілоты паспелі катапультавацца.
Скрыншот відэа
У ЗША, у Айдаха, падчас авіяшоу 17 мая ў паветры сутыкнуліся два самалёты.
Авіяшоу Gunfighters Skies праходзіла на базе ВПС Маўнтын-Хоўм.
На відэа трапіла, як два знішчальнікі сутыкнуліся, пасля чаго раскрыліся чатыры парашуты — усе чатыры пілоты паспелі катапультавацца. Самалёты выбухнулі.
Гэта былі самалёты радыёэлектроннай барацьбы EA-18G Growler. Кошт аднаго складае каля 70 мільёнаў даляраў.