У ЗША паказалі першую мадэль смартфона ад сям’і Трампа — з няправільным сцягам ЗША
У T1 Phonee колер — натуральна, залаты.
Скрыншот відэа NBC News
Перад стартам продажаў (які ўжо некалькі месяцаў адкладаюць) прыладу паказалі журналістам.
Тыя змаглі на свае вочы пераканацца, што на тэлефоне, «створаным з апорай на амерыканскія каштоўнасці», намаляваны няправільны сцяг ЗША. На ім 50 зорак і толькі 11 палос, хоць павінна быць 13.
Скрыншот відэа NBC News
Спачатку Android-прылада будзе каштаваць 499 даляраў. На ёй будзе прадусталяваная праграма Truth Social.
Візуальна тэлефон, які на першых рэндарах паўтараў дызайн iPhone, да рэлізу больш стаў падобны да HTC U24 Pro з дадатковай накладкай на камерах.
З незвычайнага — ужо амаль забыты 3,5‑мм раз'ём для навушнікаў у верхняй частцы тэлефона (якога не было ў прататыпа).